საგარეო ვაჭრობამ იანვარ-ივლისში $7.5 მლრდ-ს მიაღწია

საქართველოს საგარეო სავაჭრო ბრუნვა კვლავინდებურად ზრდის ტრენდს ინარჩუნებს.

საქსტატის მონაცემებით, 2021 წლის იანვარ-ივლისში საქართველოში საქონლით საგარეო სავაჭრო ბრუნვამ 7.5 მლრდ დოლარს მიაღწია, წლიურად 21.7%-იანი ზრდაა.

მაჩვენებელი უსრებს პანდემიამდელ მაჩვენებელსაც, 2019 წლის ანალოგიურ პერიოდში სავაჭრო ბრუნვის მოცულობა 7.3 მლრდ დოლარს შეადგენდა.

ექსპორტი საანგარიშო პერიოდში 27.8%-ით არის გაზრდილი, 2.275 მლრდ-მდე; 19.3%-ით გაიზარდა იმპორტი, 5.206 მლრდ-მდე.

საქართველოს უარყოფითი სავაჭრო ბალანსი 2.93 მლრდ დოლარია, საგარეო სავაჭრო ბრუნვის 39.2%.

უმსხვილესი საექსპორტო ქვეყანა ჩინეთია (370.5 მლნ დოლარი); უმსხვილაეს იმპორტიორი ქვეყანა კი თურქეთი (917.4 მლნ დოლარი).

ქვეყნის უმსხვილესი სავაჭრო პარტნიორებია თურქეთი (1.107 მლრდ დოლარი), რუსეთი (868 მლნ დოლარი) და ჩინეთი (829.9 მლნ დოლარი).

2021 წლის იანვარ-ივლისში სასაქონლო ჯგუფებიდან საექსპორტო ათეულში პირველი ადგილი სპილენძის მადნებმა და კონცენტრატებმა დაიკავა 465.9 მლნ დოლარით, ეს მთელი ექსპორტის 20.5%-ია. 

უმსხვილესი საიმპორტო სასაქონლო ჯგუფი მსუბუქი ავტომობილებია, რომლის იმპორტმა 461.8 მლნ დოლარი, მთელი იმპორტის 8.9%.