ეკონომიკა
29/03/2023
როგორ ვთქვათ უარი არასასურველი სარეკლამო შეტყობინების მიღებაზე - კონკურენციის სააგენტოს განმარტება
საქართველოს კონკურენციის საააგენტოს ინფორმაციით, მომხმარებლის უფლებაა - არასასურველი სარეკლამო შეტყობინების მიღებაზე უარის თქმა.
გარდა ამისა, მომხმარებელთა უფლებების დაცვის შესახებ კანონის შესაბამისად, უკანონონდ მიიჩნევა და აკრძალულია მოვაჭრის აგრესიული კომერციული საქმიანობა, მომხმარებლებისთვის სისტემატიურად, არასასურველი სარეკლამო შეთავაზებების გაგზავნა.
ასევე, მომხმარებლის უფლებაა არასასურველი სარეკლამო შეტყობინების მიღების შემთხვევაში NO SMS გაგზავნით უარი თქვას შეთავაზებების მიღებაზე.
უწყების ცნობით, მოთხოვნის შეუსრულებლობის შემთხვევაში, შეგიძლიათ დარეკოთ თავად სააგენტოში, მომხმარებლის უფლებების დაცვის დეპარტამენტში (598 05 4422) ან პრობლემის შესახებ ელექტრონული წერილი გააგზავნოთ მისამართზე: consumer@gnca.gov.ge
