რამ განაპირობა FDI-ს 28.3%-იანი შემცირება - საქსტატის განმარტება
ქართულ ეკონომიკაში 2021 წლის პირველ კვარტალში ინვესტიციების მოცულობა წლიურად 28.3%-ით არის შემცირებული, $125.4 მლნ-მდე.
უცხოური კაპიტალის შემოდინების შემცირებას ქვეყნის სტატისტიკის ეროვნული სამსახური რამდენიმე ფაქტორით ხსნის.
"შემცირების გამომწვევ უმთავრეს მიზეზად სახელდება რეინვესტიციის მოცულობის შემცირება და რამდენიმე საწარმოს გადასვლა საქართველოს რეზიდენტის საკუთრებაში", - განმარტებულია საქსტატის გავრცელებულ რელიზში.
2021 წლის I კვარტალში საქართველოში განხორციელებული პირდაპირი უცხოური
ინვესტიციების მიხედვით, უმსხვილესი ინვესტორი ქვეყანა გაერთიანებული სამეფოა, საიდანაც ქვეყანაში $88.41 მლნ შემოვიდა, მეორე ადგილზეა რუსეთია $31.87 მლნ-ით, მესამე პოზიციაზე კი თურქეთია $24.51 მლნ-ით.
რაც შეეხება სექტორებს, ყველაზე მეტი $93.9 მლნ პირდაპირი უცხოური ინვესტიცია საფინანსო სექტორში განხორციელდა, ენერგეტიკა - $35.5 მლნ, TOP 3-ში ბოლო პოზიციაზეა დამამუშავებელი მრეწველობა $27.9 მლნ-ით.
