რა მოცულობის ტვირთი გადაზიდა რკინიგზამ 2020 წელს

11 მლნ ტონა ტვირთი და 2%-იანი ზრდა - ამ მაჩვენებლით დაასრულა 2020 წელი “საქართველოს რკინიგზამ.”

სარკინიგზო გზით გადაზიდულ ტვირთებში ზრდა ადგილობრივი და ტრანზიტული ტვირთების ზრდით შენარჩუნდა.

გასულ წელს რკინიგზით საქართველო დერეფანში 5.5 მლნ ტონა ტრანზიტული ტვირთი გადაიზიდა.

რაც შეეხება ძირითად ტვირთების, რომელიც რკინიგზაზე მოძრაობს, 27.5% ნავთობპროდუქტებზე მოდის, რამაც 2020-ში 3 მლნ ტონას გადააჭარბა.

მარცვლეულის გადაზიდვებში კლებაა - სულ რკინიგზით 307 503 ტონა მარცვლეული გადაიზიდა.

მკვეთრი ზრდაა რკინისა და მანგანუმის მადანის გადაზიდვაში, მაჩვენებელი გაომაგდა და 854 ათას ტონას მიაღწია.

ზრდა შენარჩუნდა ასევე სასუქების ტრანსპორტირებაში, რამაც 940 ათას ტონას გადააჭარბა.