ყურძნის ნატურალური ღვინოების ექსპორტი 36%–ით გაიზარდა

სტატისტიკის ეროვნული სამსახურის ივლისის თვის ეკონომიკური ზრდის მაჩვენებლის მიხედვით, ყურძნის ნატურალური ღვინოების ექსპორტი 36%–ით გაიზარდა, ხოლო მინერალური წყლების ექსპორტში 22%–იანი ზრდა ფიქსირდება. 

საქასტატის აღმასრულებელმა დირექტორმა გოგიტა თოდრაძემ ბრიფინგზე განაცხადა, რომ 2021 წლის ივლისში, წინა წლის შესაბამის პერიოდთან შედარებით ზრდა შეინიშნებოდა შემდეგ დარგებში: საფინანსო და სადაზღვევო საქმიანობა, დამამუშავებელი მრეწველობა, სასტუმროები და რესტორნები, ტრანსპორტი და დასაწყობება, ვაჭრობა.

ამასთან, ეკონომიკური ზრდის მიზეზად გვევლინება ღვინის, მინერალური წყლებისა და სხვა უალკოჰოლო სასმელების წარმოების მოცულობის გაფართოებაც. 

შეგახსენებთ, რომ ივნისში ეკონომიკის 18.7%-იანი ზრდის შემდეგ, ივლისში ზრდა 9.9%-იან ნიშნულზეა.

საქსტატის მონაცემებით, 2021 წლის პირველი შვიდი თვეში ეკონომიკა საშუალოდ 12.2%-ით არის გაზრდილი.