პრემიერი: მაისში 25%-იან ეკონომიკურ ზრდას ველოდებით, ვვარაუდობთ ინფლაცია დაიკლებს

პრემიერის განცხადებით, მაისში 25%-იანი ეკონომიკური ზრდაა მოსალოდნელი. გრძელდება ლარის გამყარების პროცესი. ეს ყველაფერი კი ოპტიმიზმის საფუძველს იძლევა, რომ ინფლაცია დაიკლებს.

“რაც შეეხება ინფლაციას, ძალიან პოზიტიური სიგნალი და მოლოდინი მოდის ზოგადად ბიზნესიდან. მარტში 4%-იანი ზრდა გვქონდა, აპრილში უპრეცედენტო 44.8%-იანი ზრდა. მაისში 25%-იან ზრდას ველოდებით. რამდენიმე დღეში გვეცოდინება უფრო კონკრეტულად ამის თაობაზე. ეს ყველაფერი გვაძლევს ოპტიმიზმის საფუძველს. გარდა ამისა, მინდა აღვნიშნო, რომ შეინიშნება ლარის სტაბილიზაცია და გრძელდება ლარის გამყარების პროცესი. ეს ყველაფერი გვაძლევს ოპტიმიზმის საფუძველს ვივარაუდოთ, რომ ინფლაცია ასევე დაიკლებს“, - განაცხადა ირაკლი ღარიბაშვილმა პარლამენტში.