ეკონომიკა
25/06/2021
პრემიერი: “აწარმოე საქართველოში“ 2000-ზე მეტ კომპანიას ექსპორტში დაეხმარება
პრემიერ-მინისტრის ირაკლი ღარიბაშვილის განცხადებით, მთავრობის მიზანია, საგარეო ვაჭრობის განვითარება.
“დღეს თავისუფალი ვაჭრობის რეჟიმით ვსარგებლობთ 45 ქვეყანასა და ერთ საბაჟო ადმინისტრაციულ ერთეულთან. ჩვენ ვმუშაობთ, რომ ამას მომდევნო წლების განმავლობაში 11 ქვეყანა დაემატოს“, - აღნიშნა ირაკლი ღარიბაშვილმა.
პრემიერის ინფორმაციით, გრძელვადიან პერსპექტივაში სააგენტო “აწარმოე საქართველოში“ 2000-ზე მეტ კომპანიას ექსპორტის განხორციელებაში დაეხმარება.
“2012 წელს საქონლის ექსპორტი შეადგენდა 2.4 მლრდ დოლარს. ეს მაჩვენებელი 2020 წელს იყო 3.3 მლრდ დოლარი. ჩვენი ამოცანა უნდა იყოს, უახლოეს წლებში ექსპორტი გახდეს 5 მლრდ დოლარი“, - განაცხადა ირაკლი ღარიბაშვილმა.
