ეკონომიკა
15/06/2023
მზია გიორგობიანი: ანაკლიის პორტამდე მისასვლელი გზის პროექტი მზადაა
“ანაკლიის პორტის ინვესტორს როცა დასჭირდება გზა, რასაკვირველია ჩვენი მხრიდან შესრულებული იქნება ვალდებულება,“- ამის შესახებ რეგიონალური განვითარებისა და ინფრასტრუქტურის მინისტრის მოადგილე მზია გიორგობიანმა განაცხადა.
მისი ინფორმაციით, ანაკლიამდე მისასვლელი გზის პროექტი უკვე მზადაა.
„რაც ყველაზე მთავარია, გზის პროექტი უკვე არსებობს. ველოდებით ინვესტორის გამოვლენას, რომ გზის მიყვანასთან დაკავშირებით ჩვენი ვალდებულების შესრულება დავიწყოთ,“-აღნიშნა მზია გიორგობიანმა.
მისივე განმარტებით, ანაკლიის პორტთან მიმართებაში წამყვანი როლი ეკონომიკის სამინისტროს აქვს.
შეგახსენებთ, ინვესტორებს ანაკლიის პორტზე წინადადებების წარდგენის ვადა 19 ივნისს ეწურებათ. როგორც ცნობილია, ახალი პირობების თანახმად, პორტის 51% -იანი წილი სახელმწიფოს საკუთრებაში იქნება.
