მთავრობამ ინვესტიციების მოზიდვის განახლებული სტრატეგია ექსპერტებთან განიხილა
გლობალურ პანდემიასთან დაკავშირებულ უამრავ გამოწვევასთან ერთად, საქართველოსთვის ეკონომიკური და უცხოური ინვესტიციების მოზიდვის თვალსაზრისით სხვადასხვა შესაძლებლობა იქმნება, - განაცხადა პრემიერის მრჩეველმა ეკონომიკურ საკითხებში.
ბექა ლილუაშვილმა და სააგენტოს „აწარმოე საქართველოში" ხელმძღვანელ მიხეილ ხიდურელთან ერთად ინვესტიციების ინვესტიციების მოზიდვის განახლებული სტრატეგია ეკონომიკის ექსპერტებთან განიხილეს.
იმსჯელეს იმ სექტორებზე, რომლებსაც საქართველოში ინვესტიცირების კუთხით, მეტი უპირატესობა აქვს.
ისაუბრეს იმ მსხვილ უცხოურ კომპანიებთან კომუნიკაციაზე, რომლებიც, შესაძლოა, საქართველოში ინვესტიციების განხორციელებით დაინტერესდნენ. აღინიშნა, რომ მთავრობა აქტიურ მოლაპარაკებებს უკვე აწარმოებს 400-მდე კომპანიასთან, რომლებსაც საქართველოში ინვესტიციების განხორციელების შესაძლებლობებსა და იმ დადებით მხარეებს აცნობს, რომელსაც მათ ქვეყნის ეკონომიკა სთავაზობს.
მთავრობის ადმინისტრაციაში ამბობენ, რომ ექსპერტების შენიშვნები სტრატეგიაში აისახება.
