მშპ ერთ სულ მოსახლეზე პირველ კვარტალში ₾3 891 იყო

საქსტატის მონაცემებით, 2022 წლის პირველ კვარტალში მშპ-მ ერთ სულ მოსახლეზე 3 891 ლარი შეადგინა, რაც 810 ლარით მეტია წინა წლის ანალოგიურ პერიოდთან შედარებით. 

2022 წლის I კვარტალში მშპ-ს მოცულობა მიმდინარე ფასებში 14 354 მლნ. ლარს გაუტოლდა, ხოლო წინა წლის შესაბამის პერიოდთან შედარებით რეალური მშპ-ს ზრდამ 14.9% შეადგინა. მშპ-ს დეფლატორი გაიზარდა 8.7%-ით. 

ზრდის მიმართულებით მნიშვნელოვანი წვლილი შეიტანა შემდეგმა დარგებმა: ტრანსპორტი და დასაწყობება 29.4%; ელექტროენერგიის, აირის,
ორთქლის და კონდიცირებული ჰაერის მიწოდება 54.7 %; ხელოვნება, გართობა და დასვენება 47.9%; განთავსების საშუალებებით უზრუნველყოფის და საკვების მიწოდების საქმიანობები 70.3 %; საბითუმო და საცალო ვაჭრობა 8.9 %; დამამუშავებელი მრეწველობა 13.2 %; ჯანდაცვა და სოციალური მომსახურების საქმიანობები 18.8%; განათლება 18.2%; უძრავ ქონებასთან დაკავშირებული საქმიანობები 7.4%; ინფორმაცია და კომუნიკაცია 21.1%; მშენებლობა 7.3%;
სამთომოპოვებითი მრეწველობა 24.9%.