მინისტრი: საგარეო შოკების გავლენა რომ არა, უფრო მაღალი ეკონომიკური ზრდა გვექნებოდა

ფინანსთა მინისტრის ლაშა ხუციშვილის შეფასებით, ქვეყნის ეკონომიკაზე საგარეო შოკების გავლენა ისევ მათალია. 

მისი თქმით, საგარეო შოკების გავლენა რომ არა, ქვეყანას უფრო მაღალი ეკონომიკური ზრდა ექნებოდა. 

“2017-2019 წლებში მნიშვნელოვნად შემცირდა საგარეო მოწყვლადობები, ჩვენი ეკონომიკის ერთ-ერთი მთავარი სისუსტე და პრობლემა. მიმდინარე ანგარიშის დეფიციტი 12%-დან 5.5%-მდე შემცირდა. გამოწვევად რჩება მთავრობის ვალში უცხოური ვალუტის დომინირებული ვალის წილი, საფინანსო სექტორის დოლარიზაციასთან ერთად. 

2026 წლისთვის ჩვენი სამიზნე მაჩვენებლებია მიმდინარე ანგარიშის დეფიციტის შემცირება 4%-მდე, უფრო დაბლა, ვიდრე ეს იყო პანდემიამდე პერიოდში. უცხოური ვალუტის წილის შემცირება მთლიან ვალში 65%-მდე და დოლარიზაციის მაჩვენებლის შემცირება 45%-მდე“,- განაცხადა ლაშა ხუციშვილმა უწყების 10 წლიანი გეგმის წარდგენისას.