მინისტრი: 2021 წლის ბიუჯეტი 5%-ის ნაცვლად 4,3%-იან ეკონომიკურ ზრდაზე დაიგეგმება

საქართველოს ბიუჯეტი 4,3%-იან ეკონომიკურ ზრდაზე დაიგეგმება, - ამის შესახებ ფინანსთა მინისტრმა განაცხადა.

ივანე მაჭავარიანი იმედოვნებს, რომ ქვეყნის ეკონომიკური ზრდის პროგნოზი 5%-იან მაჩვენებელს დაუბრუნდება.

„ცოტა ხნის წინ 5%-იან ეკონომიკურ ზრდას ვპროგნოზირებდით, მაგრამ 4,3%-ზე ჩამოვედით. ეს გამოწვეულია პანდემიური ვითარებით როგორც საქრთველოში, ისე მსოფლიოში. არსებული ვითარების გამო დაწესებული შეზღუდვები, როგორიცაა გადაადგილების შეზღუდვა, ასევე საერთაშორისო ვაჭრობის შეზღუდვა, ხელს უშლის ეკონომიკის განვითარებას" - განაცხადა ფინანსთა მინისტრმა.

ივანე მაჭავარიანი იმასაც ამბობს, რომ დამაიმედებელი ინფორმაცია მოდის ვაქცინის შესახებ, რაც თავის მხრივ იმედს იძლევა, რომ 4,3% ზრდის პროგნოზი ისევ დაუბრუნდება 5%-იანი ზრდის პროგნოზს.