"მეწარმეთა შესახებ ახალი კანონის ზოგიერთ დებულებაში მეტი სიცხადე უნდა შევიდეს"
გზამკვლევი ეკონომიკურ რეფორმებში
მეწარმეთა შესახებ ახალი კანონის ზოგიერთ დებულებაში მეტი სიცხადე უნდა შევიდეს - ამის შესახებ საუბრობენ სპეციალისტები, რომელიც კანონის ძალაში შესვლიდან დღემდე კანონის აღსრულების პროცესს აკვირდებიან. კანონის აღსრულების მონიტორინგს USAID-ის ეკონომიკური მმართველობის პროგრამა ახორციელებს ინვესტორთა საბჭოსთან ერთად. გამოვლინდა ის სირთულეები, რაც შესაძლოა ხელს უშლიდეს კანონის ეფექტურ აღსრულებას.
კანონის აღსრულების ერთი წლის განმავლობაში გამოვლენილი გამოწვევები და მიგნებები USAID-ის ეკონომიკური მმართველობის პროგრამის მხარდაჭერით გამართულ შეხვედრაზე განიხილეს.
ჩართული მხარეების განცხადებით, „მეწარმეთა შესახებ“ საქართველოს ახალმა კანონმა, რომელიც ძალაში 2022 წლის 1 იანვარს შევიდა, ფუნდამენტურად შეცვალა საკორპორაციო მართვის ფილოსოფია, რაც საქართველოსთვის კიდევ ერთი წინ გადადგმული ნაბიჯია ევროინტეგრაციისკენ.
