ეკონომიკა
30/06/2021
მაისში საქართველოს ეკონომიკა 25.8%-ით გაიზარდა
საქართველოს ეკონომიკა კვლავინდებურად ზრდის მაღალ ტემპს ინარჩუნებს. აპრილში 44.8%-იანი ეკონომიკური ზრდის შემდეგ, მაისში ქვეყნის ეკონომიკა 25.8%-ით გაიზარდა.
2021 წლის იანვარ-მაისში ეკონომიკის ზრდის საშუალო მაჩვენებელი 11.5%-ია.
2021 წლის მაისში, წინა წლის შესაბამის პერიოდთან შედარებით ზრდის ტენდენცია გამოვლინდა თითქმის ყველა სექტორში. ზრდის მიმართულებით მნიშვნელოვანი წვლილი შეიტანა შემდეგმა დარგებმა: დამამუშავებელი მრეწველობა, საფინანსო და სადაზღვევო საქმიანობა, ვაჭრობა, უძრავ ქონებასთან დაკავშირებული საქმიანობა, სასტუმროები და რესტორნები, მშენებლობა, ტრანსპორტი და დასაწყობება.
