ლაშა ხუციშვილი: ეკონომიკური ზრდის მიმართულებით ამბიციური გეგმები გვაქვს

ფინანსთა მინისტრის ლაშა ხუციშვილის განცხადებით, მთავრობას ეკონომიკური ზრდის მიმართულებით ამბიციური გეგმები აქვს. მთავრობა პანდემიის წელსვე მაღალ ეკონომიკურ ზრდას ელოდება. 

მინისტრის თქმით, მაღალი ეკონომიკური ზრდა შენარჩუნდება მომავალ წლებშიც ტურიზმის აღდგენის პარალელურად. 

“გრძელვადიან პერიოდში მშპ ერთ სულ მოსახლეზე როგორც ნომინალური, ისე მსყიდველობითუნარიანობის პარიტეტში გამოხატული ორჯერ და მეტად გაიზრდება. ეს არის ის ორი ეკონომიკური პარამეტრი, რითაც შესაძლებელია ჯამურად შევაფასოთ ჩვენი გაწეული საქმიანობა.

ნომინალური მშპ 1 სულ მოსახლეზე გაიზრდება დღეს არსებული 4 300 დოლარიდან და გაცდება 10 000 დოლარს, 2030 წლისთვის, ხოლო მსყიდველუნარიანობის გამოხატული მშპ 1 სულ მოსახლეზე დღეს არსებული 14 800 დოლარიდან გაიზრდება 31 000 დოლარამდე“,- განაცხადა ლაშა ხუციშვილმა ფინანსთა სამინისტროს 10 წლიანი გეგმის პრეზენტაციაზე.