ჯონ ბრაეკეველდტი: ევროპასა და საქართველოს შორის სატვირთო გადაზიდვები უნდა გამარტივდეს

ლოგისტიკური ჰაბი - საქართველო - ეს თემა  უკვე 10 წელია აქტიურად განიხილება საქართველოში, მაგრამ საწყისი ბიძგი მან ვერ მიიღო - მიიჩნევს ევროპული ბიზნეს ასოციაციის გამგეობის თავმჯდომარე ჯონ ბრაეკეველდტი.

ევროპელი ბიზნესმენი, რომელიც წლებია საქართველოში აწარმოებს ბიზნესს საქართველოდან ტვირთების ტრანსპორტირების მაღალ ფასზე აკეთებს აქცენტს და აღნიშნავს, რომ აუცილებელია ევროპასა და საქართველოს შორის მოხდეს შეთანხმება, რითაც სატვირთო გადაზიდვები გამარტივდება.

„ჩემთვის, როგორც ლოგისტიკური კომპანიისთვის ყველაზე დიდი შეზღუდვაა ის, რომ ევროპაში საქონლის გაგზავნა/ტრანსპორტირება ძვირი ჯდება. რატომ? იმიტომ რომ აუცილებელია განსხვებული დოკუმენტაცია, ამ სატრანსპორტო დოკუმენტების შექმნა კი, ძალიან ძვირია“, -  განაცხადა გადაცემა „ბიზნესპარტნიორში“ ჯონ ბრაეკეველდტმა.

მისი თქმით, არსებობს პროექტი, რომელიც სავარაუდოდ, 2021 წლიდან ამოქმდდება და რომლის საფუძველზე  ქართველი  მძღოლები შეძლებენ ე.წ. T1 სატრანზიტო დოკუმენტებით მუშაობას და მათ აღარ დასჭირდებათ სპეციალური დოკუმენტები საზღვრებზე.

„T1 დოკუმენტი ექსპორტიორებს შესაძლებლობას მისცემს ხარჯთეფექტიანად გაიტანონ ევროპაში საქონელი“, - ამბობს ბრაეკეველდტი.