იანვარ-მაისში საგარეო ვაჭრობა 18.2%-ით გაიზარდა

საგარეო ვაჭრობა წლიური ზრდის ტრენდს ინარჩუნებს, ამავდროულად დაახლოებით 53 მლნ-ით არის შემცირებული მაჩვენებელი მაისში აპრილთან შედარებით.

საქსტატის მონაცემებით, 2021 წლის იანვარ-მაისში საქართველოს საგარეო სავაჭრო ბრუნვამ 5,02 მლრდ დოლარი შეადგინა, 18.2%-ით მეტი 2020 წლის ანალოგიურ პერიოდთან შდარებით.

სავაჭრო ბრუნვიდან 1.538 მლრდ დოლარი ექსპორტია, წლიური ზრდა 24.4%, 15.7%-ით არის გაზრდილი იმპორტი 3.481 მლრდ დოლარამდე.

საქართველოს უარყოფითმა სავაჭრო ბალანსმა, 2021 წლის იანვარ-მაისში, 1.943 მლრდ დოლარი შეადგინა, რაც საგარეო სავაჭრო ბრუნვის 38.7%-ია.