ეკონომიკა
17/07/2020
ფულადი გზავნილები ზრდის დინამიკას აჩვენებს
ფულადი გზავნილები ზრდას აჩვენებს. 12 ივლისის კვირაში ფულადი გზავნილები წ/წ 5%-ით არის გაზრდილი.
თიბისი კაპიტალის მონაცემებით, შემოდინებები უკრაინიდან და აზერბაიჯანიდან გაორმაგებულზე მეტია წინა წელთან შედარებით. ზრდის მაღალ ტემპს ინარჩუნებს შემოდინებები სომხეთიდან და ჩრდილოეთ ამერიკიდან.
რუსეთიდან შემოდინებების ზრდის ტემპი კვლავ ნეგატიურია. ახლო აღმოსავლეთის ქვეყნებიდან (თურქეთის ჩათვლით) შემოდინებების ზრდის ტემპი პირველადაა უარყოფითი ბოლო ოთხი კვირის განმავლობაში.
შემოდინებების ზრდა ევროკავშირიდან და დიდი ბრიტანეთიდან ზრდის ორნიშნა ტემპს ინარჩუნებს და ყველაზე დიდ წილს იკავებს ჯამურ შემოდინებებში.
