ეკონომიკა
08/12/2020
Fitch -მა “ენერგო-პრო ჯორჯიას“ რეიტინგის პროგნოზი გაუუარესა
გავლენიანმა სააგენტომ ენერგეტიკულ კომპანია „ენერგო-პრო ჯორჯიას“ რეიტინგი „BB-“ დონეზე დაუდასტურა, თუმცა, პროგნოზი „სტაბილურიდან“ „ნეგატიურით“ შეუცვალა. ეს Fitch-ის მიერ კომპანიისთვის მინიჭებული ბოლო რეიტინგია.
რეიტინგის გადახედვა დაკავშირებულია „ენერგო-პრო ჯორჯიას“ მთავარი აქციონერის რეიტინგის ცვლილებასთან და ამ კომპანიებს შორის მჭიდრო კავშირს ასახავს.
Fitch-ი აღნიშნავს, რომ „ენერგო-პრო ჯორჯიას“ 2020 წლის პირველ ნახევარში სუსტი მაჩვენებლები ჰქონდა, რაზეც გავლენა მოახდინა ელექტროენერგიის მოხმარების 10%-იანმა კლებამ,ასევე მაღალი ძაბვის მომხმარებლებისთვის მიწოდების 14%-იანმა კლებამ, რაც ბაზრის ლიბერალიზაციით არის განპირობებული.
ამასთან,ცუდი ჰიდროგამომუშავების გამო კომპანიას გაეზარდა ელექტროენერგიის შესყიდვისთვის გაწეული ხარჯები.
