ეკონომიკის ვარდნა 2020 წელს 5%-ს გადააჭარბებს

ეკონომიკის ვარდნა 2020 წელს 5%-ზე მეტი იქნება, სავარაუდოდ გადასახედია 2021 წლის პროგოზიც  - ვარაუდი  ფინანსთა მინისტრმა ახალი შეზღუდვების დაანონსების შემდეგ გამოთქვა.

ვანო მაჭავარიანი ამბობს, რომ აგვისტო-სექტემბერში ეკონომიკის ზრდა და ბიუჯეტის შემოსავლები საკმაოდ დამაიმედებელი იყო, მაგალითად, ოქტომბერში ბიუჯეტის  შემოსავლები წლიურ 1.7%-იან ზრდას აჩვენებდა, თუმცა უკვე ნომებერში შემოსავლებში მნიშვნელოვანი შემცირება შეინიშნება.

მინისტრი განმარტავს, რომ შეუძლებელია ნოემბერმა და „შეზღუდვებით დახუნძლულმა“ დეკემბერმა  არ მოახდინოს გავლენა ეკონომიკის ვარდნის მაჩვენებელზე, ასევე დამძიმებული სასტარტო პირობები 2021 წლის ეკონომიკის ზრდის გადახედვის საფუძველსაც იძლევა.

ფინანსთა მინისტრი იმედოვნებს, რომ  ვაქცინის დროულად შემოტანა ეკონომიკის აღდგენას დააჩქარებს.