ეკონომიკის სამინისტრო რამდენიმე საწარმოში წილს ყიდის - რა ქონებაა გამოტანილი აუქციონზე

ეკონომიკის სამინისტრო რამდენიმე საწარმოში წილს ყიდის.

აუქციონზე უკვე გამოვიდა "ხაშურის მინის ტარას'' 23%-იანი წილი გასაყიდად. სახელმწიფოს საკუთრებში არსებული 633 211 აქციის საწყისი ფასი 747 200 ლარია, ვაჭრობის „ბიჯი“ 2000 ლარს შეადგენს.

საწარმოში, რომელიც არ ფუნქციონირებს აქციების საკონტროლო პაკეტი - 72.7% „გარდაბანი ჰოლდინგს“ ეკუთვნის (საქართველოს ინდუსტრიული ჯგუფს).

აუციონზე იყიდება „თერმული წყლების“ 100%-იანი წილიც. საწყისი ფასი 1 511 000 ლარია, „ბიჯი“ 2000 ლარი.

ასევე ცეკავშირის ზუგდიდის სასურსათო კომბინატის 27 246 ცალი ჩვეულებრივი აქცია (სახელმწიფოს წილი კაპიტალში 51 %), საწყისი ფასი 1 014 000 ლარია, „ბიჯი“ 3000 ლარს შეადგენს.

იყიდება ბათუმში მდებარე „საზღვაო ტექსერვისის" წილიც. 100%-ის ღირებულება 2 263 800 ლარს შეადგენს, ვაჭრობის „ბიჯი“ 3000 ლარია.

ეკონომიკისა და მდგრადი განვითარების სამინისტრო პროგრამას „100 საინვესტიციო შეთავაზება ბიზნესს“ აფართოებს, პრეზენტაცია სასტუმრო „შერატონ გრანდ მეტეხი პალასში“ ახლა იწყება.

გაფართოებული პროგრამის ფარგლებში 150-ზე მეტი ობიექტი იქნება წარმოდგენილი, მათ შორის სახელმწიფოს მფლობელობაში არსებული სხვადასხვა ტიპის საწარო, მაგისტრალურ გზებზე გასაჩერებული ინფრასტრუქტურის მოსაწყობად გამოყოფილი ლოკაციები, ტურისტული, სამრეწველო, სოფლის მეურნეობისა და ლოგისტიკური მიზნებისათვის საჭირო ობიექტები და სხვა.