EBRD-მა საქართველოს ეკონომიკის ზრდის პროგნოზი 7.5%-მდე გაზარდა
ევროპის რეკონსტრუქციისა და განვითარების ბანკის (EBRD) პროგნოზით, საქართველოს ეკონომიკური ზრდა 2021 წელს 7.5% იქნება, რაც მიმდინარე წლის ივნისში გაკეთებულ პროგნოზთან შედარებით, 3%-ული პუნქტით არის გაზრდილი.
2022 წელს საფინანსო ინსტიტუტი საქართველოში კვლავ 5.5%-იან ზრდას ელის. საფინანსო ინსტიტუტის ანგარიშით, ეკონომიკური აქტივობა მეორე კვარტალში მკვეთრად გაიზარდა და მშპ-მ 2019 წლის დონესაც გადააჭარბა.
მიუხედავად იმისა, რომ ტურიზმის მაჩვენებლები ჯერ კიდევ დაბალია, რაც ბოლო წლებში ეკონომიკის მთავარი მამოძრავებელი იყო, 8 თვეში მშპ-ს ზრდა 12% იყო.
EBRD ფიქრობს, რომ ტურიზმის თანდათანობითი აღდგენა ზრდის პერსპექტივას 2022 წელს შეუწყობს ხელს.
საქართველოს ეკონომიკურ ზრდაზე მოქმედ ძირითად რისკებს შორის EBRD დაბალ ვაქცინაციას, პანდემიის სამომავლო მდომარეობას, მოგზაურობის შესაძლო შეზღუდვას და გაზრდილ პოლიტიკურ არასტაბილურობას ასახელებს.
