COVID-ის ფონზე, ჩინეთში ქართული პროდუქციის ექსპორტი 209%-ით გაიზარდა

COVID-პანდემიის ფონზე, ჩინეთში ექსპორტი 209%-ით გაიზარდა.

„საქსტატის“ მონაცემებით, მსოფლიოს უდიდეს ბაზარზე 8 თვეში საქართველოდან $296.55 მლნ-ის პროდუქცია გავიდა, აქედან უდიდესი წილი 244.45 მლნ სპილენძის მადნები და კონცენტრანტებია. ჯამში 164 435 ტონა სპილენძია გატანილი.

$24.1 მლნ მოდის ძვირფასი ლითონების მადნებსა და კონცენტრანტებზე.

შემცირებულია ღვინის ექსპორტი $12.5 მლნ-დან $8.6 მლნ-მდე.

საექსპორტო პროდუქციის ჩამონათვალშია სამედიცინო ხელსაწყოები (5.5 მლნ)  და დაუმუშავებელი ალუმინი - $2.6 მლნ. 

8 თვის მონაცემებით, ექსპორტი $2,071 მლრდ-ია, წლიურად 14.7%-იანი კლებაა.

2020 წლის იანვარ-აგვისტოში ათი უმსხვილესი საექსპორტო ქვეყნის წილმა საქართველოს მთლიან ექსპორტში 77.3% შეადგინა. უმსხვილესი საექსპორტო სამეული შემდეგნაირად ჩამოყალიბდა: ჩინეთი ($296.6 მლნ), აზერბაიჯანი ($284.3 მლნ) და რუსეთი ($266 მლნ)