ბაქო-თბილისი-ყარსის რკინიგზაზე ტვირთბრუნვა გაორმაგდა
„ბაქო-თბილისი-ყარსის“ რკინიგზაზე ტვირთბრუნვა თითქმის გაორმაგდა, - ინფორმაციას სააგენტო „ანადოლუ“ თურქეთის ტრანსპორტისა და ინფრასტრუქტურის მინისტრზე დაყრდნობით ავრცელებს.
ადილ კარაისმაილოღლუ ამბობს, რომ 2021 წლის I კვარტალში „ბაქო-თბილისი-ყარსის“ რკინიგზამ 154,8 ათასი ტონა ტვირთი გაატარა, მაშინ როდესაც 2020 წლის ამავე დროს 78 ათასი ტონა იყო გადაზიდული, ანუ ტვირთი 1.98-ჯერ არის გაზრდილი.
მისი თქმით, ამ რკინიგზის დახმარებით თურქეთი საკონტეინერო გადაზიდვებ ახორციელებს საქართველოში, აზერბაიჯანში, ყაზახეთში, შუა აზიის სხვა ქვეყნებში, ასევე რუსეთსა და ჩინეთში.
ადილ კარაისმაილოღლუ მიიჩნევს, რომ სუეციის არხის კრზისმა შუა დერეფნის მნიშვნელობა კიდევ ერთხელ წარმოაჩინა.
მისი თქმითვე, 2020 წელს, „ბაქო-თბილისი-ყარსის“ რკინიგზით 396,778 ათასი ტონა ტვირთი გადაიზიდა, ზრდა წლიურ ჭრილში 104% იყო.
