ბაქო-თბილისი-ყარსი ახალ ტვირთებს იზიდავს
ბაქო-თბილისი-ყარსის რკინიგზაზე ცენტრალური აზიიდან თურქეთისა და ევროპის მიმართულებით ტვირთბრუნვა მზარდია, - ADY Container-ი ამ მაგისტრალზე ახალი საკონტეინერო ტვირთის მოზიდვაზე აცხადებს.
გადამზიდავი კომპანიის ცნობით, ამ დროისათვის ტაშკენტიდან თურქეთის ქალა ისკანდერში 10 კონტეინერის შემადგენლობა იგზავნება, ასევე იგზავნება მატარებელი 30 კონტეინერით უზბეკეთის ქალაქ ბუხარადან მერსინში. საუბარია 40 და 45 ფუტიან კონტეინერებზე. ეს ტვირთი თურქმენბაშის პორტში დაიტვირთება და ბაქოს პორტში ჩავა, რის შემდეგ ბაქო-თბილისი-ყარსის რკინიგზით თურქეთში გაიგზავნება.
აღსანიშნავია, რომ კიდევ 15 კონტეინერი ბუხარადან ბულგარეთში გაიგზავნა. ტვირთი ბაქოდან ერთ-ერთ ქართულ პორტში ჩამოვა და ზღვით ბულგარეთში გაიგზავნება.
კომპანიაში ამბობენ, რომ უახლოეს დღეებში უზბეკეთიდან თურქეთსა და ევროპაში კიდევ 56 კონტეინერი გაიგზავნება.
