ADB წელს საქართველოში 5%-იან ინფლაციას ელის

აზიის განვითარების ბანკი (ADB) 2020 წელს საქართველოში 5%-იან ინფლაციას ელის. მაჩვენებელი წინა პროგნოზთან შედარებით 0,5%-ული პუნქტით არის გაზრდილი.

საფინანსო ინსტიტუტის პროგნოზით, 2021 წელს ინფლაციის მაჩვენებელი ეროვნული ბანკის მიზნობრივ მაჩვენებელთან ახლოს იქნება და 3,5% იქნება.

სებ-ის ინფლაციის მიზნობრივი მაჩვენებელი 3%-ია. ეროვნული ბანკის პრეზიდენტმა არაერთხელ განმარტა, რომ ინლაციის მიზნობრივი მაჩვენებელი არ ნიშნავს ინფლაციის მაქსიმალურ დონეს, ან ინფლაციის ლიმიტს. "როდესაც ჩვენ ვამბობთ რომ ინფლაციის მიზნობირივი მაჩვენებელი არის 3%, ჩვენ არ ვგულისმობთ ინფლაციას 0-დან 3%-მდე, არამედ ვგულისხმობთ ინფლაციიას 3%-თან ახლოს საშუალოვადიან პერიოდში. ინფლაციის თარგეთირების რეჟიმში ფასების სტაბილურობა ყველაზე ნაკლები საზოგადოებრივი დანახარჯებით მიიღწევა, ხოლო გრძევადიანი ეკონომიკური ზრდა სხვა ალტერნატიულ რეჟიმებთან შედარებით ყველაზე მაღალი და მდგრადია", - განაცხადა კობა გვენეტაძემ.

ADB ანგარიშში მიათითებს, რომ განვითარებად აზიაში ინფლაცია 2020 წელს 2.9%-ს შეადგენს, რაც აპრილში ნავარაუდევ 3.2%-ზე დაბალია და მოთხოვნის შემცირებულ მოცულობასა და ნავთობზე დაბალ ფასებს ასახავს.