2022 წლამდე რეგისტრირებულმა მეწარმეებმა სარეგისტრაციო მონაცემები წლის ბოლომდე უნდა განაახლონ
2022 წლამდე რეგისტრირებულმა მეწარმეებმა თავნთი სარეგისტრაციო მონაცემები და სადამფუძნებლო დოკუმენტები 2024 წლამდე უნდა განაახლონ.
ცვლილების საჭიროება „მეწარმეთა შესახებ“ ახალი კანონის მიღების შემდეგ დადგა დღის წერიგში. ახალი კანონი ძალაში 2022 წლის 1 იანვარს შევიდა, რომელის თანახმად, მეწარმეებს, რომელებიც რეგისტრირებული არიან ამ პერიოდამდე, ორწლიანი ვადა მიეცათ სარეგისტრაციო დოკუმენტების განსაახლებლად.
მეწარმეებმა მარეგისტრირებელ ორგანოს ან მარეგისტირებელი ორგანოს ავტორიზებულ პირებს უნდა მიმართონ და ის დოკუმენტები წარადგინონ, რომელიც ახალ კანონთან შესაბამისობაში მოსაყვანადაა საჭირო.
„პროცესი მიმდინარეობს. მომართვიანობა არის, თუმცა, გამომდინარე იქედან, რომ ახალმა კანონმა ვადა 2023 წლის ბოლომდე განსაზღვრა, ველოდებით მეწარმეების უფრო მეტ აქტიურობას, რათა შემდეგში არ დადგნენ რეგისტრაციის გაუქმების ფაქტის წინაშე. მოვუწოდებთ, გამოიყენონ დარჩენილი ვადა იმისთვის, რომ შეუსაბამონ ახალ კანონს თავიანთი რეგისტრირებული მონაცემები“ - აცხადებს „ბიზნესპარტნიორთან“ საჯარო რეესტრის ბიზნესის რეგისტრაციის სამსახურის მენეჯერი სალომე ნარიმანიძე.
