2022 წელს საქართველოდან 7 ტონა კატალიზატორის ექსპორტი განხორციელდა
„გასულ წელს საქართველოდან 7 ტონა კატალიზატორის ექსპორტი განხორციელდა,“ - ამის შესახებ გარემოს დაცვისა და სოფლის მეურნეობის მინისტრის მოადგილემ „ბიზნესპარტნიორში“ სტუმრობისას განაცხადა.
ნინო თანდილაშვილის განმარტებით, კატალიზატორების ძირითადი ნაწილი ექსპორტზე ევროპის ქვეყნებში გავიდა.
„ჩვენ ვნახეთ, რომ საკმაოდ მასიური ხასიათი მიიღო კატალიზატორების ამოცლამ ავტოსატრანსპორტო საშუალებებიდან, ექსპორტის მიზნებისათვის. ექსპორტი ძირითადად ევროპაში ხორციელდებოდა. კატალიზატორი შეიცავს ძვირფას ლითონებს და გამოიყენება სხვადასხვა დანიშნულებისამებრ.
არ შეიძლება რომ წავახალისოთ ეს მიმართულება. სწორედ ამიტომ, ჩვენ ევრო 5-ის სტანდარტების შემოღებასთან ერთად, მივიღეთ შეზღუდვა, რაც გულისხმობს კატალიზატორების დროებით, სამწლიანი ვადით ექსპორტის აკრძალვას. აი, ეს კომპლექსური მიდგომები მოგვცემს ეფექტს გარკვეული დროის განმავლობაში, იმისათვის რომ სატრანსპორტო სექტორიდან ჰაერის დაბინძურება ეტაპობრივად შევამციროთ.“-აღნიშნა ნინო თანდილაშვილმა.
კატალიზატორების ექსპორტის აკრძალვასთან დაკავშირებით პრემიერ მინისტრმა, ირაკლი ღარიბაშვილმა მთავრობის სხდომაზე განაცხადა.
