1 თვიანი ლოქდაუნი ეკონომიკის ზრდის მაჩვენებელს 1-1.5%-ული პუნქტით შეამცირებს

თუ ქვეყანაში 1 თვით მაინც გამოცხადდა წელს „ლოქდაუნი“ ეს ეკონომიკის ზრდის მაჩვენებელს 1-1.5%-ული პუნქტით შეამცირებს, - ამის შესახებ ახალი ანგარიშის წარდგენისას, Galt & Taggart-ის ეკონომისტმა ლაშა ქავთარაძემ განაცხადა.

Galt & Taggart წელს ეკონომიკის აღდგენის 2 სცენარს განიხილავს. პირველი სცენარი ტურიზმის ნაწილობრივ აღდგენას გულისხმობს. ამ სცენარში ტურიზმი გამოცოცხლებას წლის მეორე ნახევრიდან დაიწყებს, ჯამური შემოსავალი კი, 1.2 მლრდ დოლარი იქნება. ასეთ შემთხვევაში მთლიანი შიდა პროდუქტის ზრდა 5%-ის ფარგლებში იქნება.

ეს სცენარი ლარის გამყარებასაც მოიაზრებს. 1 დოლარის ღირებულება 3.15-3.20 ლარის ფარგლებში იქნება.

ტურიზმის აღდგენის გარეშე ეკონომიკის ზრდა შედარებით მოკრძალებული იქნება. ლარი/ დოლარის კურსი კი, 3.3- 3.4 ლარის ნიშნულზე იქნება

ფოტო: europeanbusinessreview.com