"ზერო ეფექტი" Big Idea Challange-ის საერთაშორისო კონკურსში მონაწილეობს
Big Idea Challange-ის საერთაშორისო კონკურსში საქართველოს სახელით „ზერო ეფექტი“ მიიღებს მონაწილეობას. ეს არის ნულოვანი ნარჩენის კონცეფციაზე შექმნილი მაღაზიის მოდელი, რომლის სივრცეშიც ინტეგრირებულია ყოველდღიური მოხმარების პლასტიკისგან დამზადებული ნივთების ჩამნაცვლებელი ბუნებრივი ალტერნატივები.
გასაყიდად სტარტაპერებს ქართველი მეწარმეების მიერ სხვადასხვა რეგიონში დამზადებული პროდუქცია აქვთ წარმოდგენილი.
კომპანიის დამფუძნებლების განმარტებით, მიღებულ გრანტებს ორი მიმართულებით გამოიყენებენ - ერთი მხრივ კომპანია რეგიონებში ქსელის გაფართოებაზე ფიქრობს, მეორე მხრივ გეგმაშია საერთაშორისო ონლაინ პლატფორმებზე პროდუქციის განთავსება.
Big Idea Challange-ზე სტარტაპი ბიზნესისა და ტექნოლოგიების უნივერსიტეტს წარმოადგენს. კონკურსში საერთო ჯამში 7 ქვეყანაა ჩართული.
