ვიმედოვნებ, საქართველო მალე ფრენების სიხშირის ზრდას შეძლებს - მარიამ ქვრივიშვილი
ტურიზმის ეროვნული ადმინისტრაციის ხელმძღვანელი იმედოვნებს, საქართველო მალე ფრენების სიხშირის ზრდას შეძლებს.
მარიამ ქვრივიშვილმა აღნიშნა, რომ ეტაპობრივი გახსნის პრინციპიდან გამომდინარე, ყოველდღიურად სხვადასხვა ავიაკომპანია ემატება საეჰაერო სივრცეს. მისივე თქმით, ჩარტერული რეისების საშუალებით უცხოელებს, ისევე როგორც საქართველოს მოქალაქეებს, შეუძლიათ შეუფერხებლად შემოვიდნენ ქვეყანაში.
„ევროკავშირთან მიმართებით ჩვენ გვაქვს რეგულარული ავიამიმოსვლა, Air France ოპერირებს, ასევე Lufthansa გერმანიიდან, რიგიდან გვაქვს ასევე რეგულარული საჰაერო მიმოსვლა. მოგეხსენებათ, რომ საქართველოს ეროვნული ავიაგადამზიდავი ჩარტერული რეისებით ახორციელებდა მიმდინარე თვის განმავლობაში ერაერთ ევროპულ ქვეყანასთან მიმოსვლას, რაც გვაძლევს იმის საშუალებას, რომ სხვადასხვა ქვეყნების მოგზაურები, ისევე როგორც ჩვენი ქვეყნის მოქალაქეები შეუფერხებლად ჩამოვიდნენ ჩვენს ქვეყანაში,”- განაცხადა ქვრივიშვილმა.
