წინაპირობა COVID-ტესტირება - თებერვლიდან მოლები და ბაზრობები გაიხსნება
შრომის პირობების ინსპექტირების დეპარტაენტის უფროსის ბექა ფერაძის განცხადებით, თებერვლიდან დიდ ქალაქებში იგეგმება მოლებისა და ბაზრობების გახსნა, ამის წინაპირობა კი, ტესტირება იქნება.
მისი თქმით, პირველ ეტაპზე ტესტირება სუბსიდირებული იქნება სახელმწიფოს მხრიდან.
„მიმდინარე კვირაში ეკონომიკის სამინისტროსთან და ბიზნესომბუდსმენთან ერთად შევხვდებით ბიზნესის წარმომადგენლებს. დაანონსებულია, რომ პირველი თებერვლიდან მოხდება ბაზრების და მოლების ფუნქციონირების განახლება. ამ შემთხვევაში საუბარია მსხვილ ქალაქებზე.
ჯანდაცვის სამინისტროს მიერ შემუშავებულია ელექტრონული პლატფორმა, სადაც ბიზნესი დარეგისტრირდება, მარტივი ბიუროკრატიული პროცესების გარეშე, ამ რეგისტრაციის საშუალებით, რომელიც მიმდინარე კვირაში იქნება ცხადი, მოხდება ტესტირების განხორციელება და ეს ტესტირების შემდგომი პროცესი იქნება პირველი თებერვლიდან საქმიანობის განახლება. ყველა ის პროტოკოლი, რომელიც მანამდე იყო განსაზღვრული ჯანდაცვის სამინისტროს მხრიდან, რჩება ძალაში, დამატებითია ტეტსირება, რომელიც უზრუნველყოფს პრევენციას იმისთვის, რომ ჩვენ დავიცვათ თითოეული დასაქმებული, მეორეს მხრივ მოქალაქე, რომელიც ასეთ ობიექტზე ხშირ შემთხვევაში ახდენს ვიზიტს, მესამე დადებითია ის, რომ თუ ვინმე აღმოაჩენს, რომ შიდა გავრცელებაა და მყისიერად მიიღებს ზომებს, ეს იქნება იმის გარანტი, რომ მათი ეკონომიკური მდგრადობა იქნება შენარჩნებული.
პირველი ტესტირება სუბსიდირებული იქნება სახელმწიფოს მხრიდან. აგრეთვე მოხდება მუდმივი მონიტორინგი, რამდენი ადამიანი გაიტესტა ამათუიმ დაწესებულებაში“,- აღნიშნა ბექა ფერაძემ.
