"ტენემ" სააქციო საზოგადოებად გარდაქმნის პროცესი გადადო

USB კაბელების დამამზადებელ კომპანია "ტენემ" სააქციო საზოგადოებად გარდაქმნის პროცესი გადადო.

როგორც "ბიზნესპარტნიორთან" "ტენეს" დამფუძნებელი, სანდრო ლილუაშვილი აცხადებს, მიზეზი ეროვნული ბანკის რეგულაციებია.

„ძვირი ჯდება, უნდა დაიქირაო სპეციალური კომპანია, რომელმაც საფონდო ბირჟაზე უნდა გაგიყვანოს. მოკლედ, ამ ეტაპზე თავი შევიკავეთ,“-აცხადებს ლილუაშვილი. 

შეგახსენებთ, „ტენემ“ სააქციო საზოგადოებად გარდაქმნისთვის მზადება 2022 წლის ზაფხულში „ბიზნესპარტნიორთან“ დაანონსა.

"გვსურს, რომ ჩვენი კომპანიის მაგალითად, 10% აქციების სახით გავყიდოთ და ის ხელმისაწვდომი იყოს მოსახლეობის ნებისმიერი ფენისთვის. გვსურს, რომ ადამიანები ჩვენი კომპანიის აქციონერები გახდნენ და არა მარტო ეროვნული წარმოება გვქონდეს, არამედ კომპანია ეროვნულ კუთვნილებაშიც იყოს. ახლა თუ კომპანია მარტო ჩემია, ის იქნება საქართველოს მოსახლეობისაც. ვემზადებით, რომ სააქციო საზოგადოება გავხდეთ და ჩვენი აქციები გავასხვისოთ.