ბიზნესი
15/06/2020
ტავ ჯორჯია ბათუმის აეროპორტის გაფართოებაში $14 მლნ-ის ინვესტიციას ჩადებს
ტავ ჯორჯიამ ბათუმის საერთაშორისო აეროპორტის გაფართოებისთვის მოსამზადებელი სამუშაოები დაიწყო.
ბათუმის საერთაშორისო აეროპორტში შემოისაზღვრა ტერიტორია, სადაც ივლისიდან საექსკავაციო და სამშენებლო სამუშაოები აქტიურად დაიწყება.
ბათუმის საერთაშორისო აეროპორტის გაფართოების პროექტში, ტავ ჯორჯია 14 მილიონი დოლარის ინვესტიციას განახორციელებს.
ინფრასტრუქტურული სამუშაოები 2021 წლის თებერვლის ბოლომდე დასრულდება. გაფართოების შემდგომ ბათუმის საერთაშორისო აეროპორტი წელიწადში 1 200 000 მგზავრს მოემსახურება.
