სპეცმმართველს შეუძლია "კავკასუსს" მოგების განაწილება და დივიდენდის გაცემა შეუზღუდოს
კომუნიკაციების კომისიას "კავკასუს ონლაინში" სპეციალური მმართველი შეყავს. დროებით თანამდებობაზე მარიამ სულაბერიძე დაინიშნა.
ახლა სპეცმმართველმა უნდა უზრუნველყოს "კავკასუს ონლაინის" მფლობელ კომპანია “ნელგანდო ლიმითედში” ხვიჩა მაქაცარიას მიერ ნასიბ ჰასანოვისთვის მიყიდული 49%-იანი წილის უკან დაბრუნება, ისე, რომ ხვიჩა მაქაცარიას წილი კვლავ 100%-მდე შეივსოს.
სპეცმმართველი კომპანიაში დარჩება, ვიდრე წილების დაბრუნება არ მოხდება. მას შეეძლება "კავკასუს ონლაინს" შეუწყვიტოს მოგების განაწილება, დივიდენდის გაცემა თუ ხელფასების ცვლილება.
"კავკასუს ონლაინის" მფლობელი კომპანიის 49%-იანი წილი 2019 წლის აგვისტოში გასხვისდა, წილის გასხვისებამდე კომპანიას კომუნკაციების კომისიისგან ოფიციალური თანხმობა არ მიუღია, რის გამო უკვე 1 წელია კომისია წილების თავდაპირველ მდგომარეობაში დაბრუნებას ითხოვს და კომპანია არაერთხელ დააჯარიმა.
"კავკასუს ონლაინმა" ცოტა ხნის კომისიას ჩიხური ვითარებიდან გამოსასვლელად ახალი სქემა შესთავაზა, რომ მოხდებოდა 49%-იანი წილის დაბრუნება ყოფილ მფლობელ ხვიჩა მაქაცარიაზე, თუ ამავე ტრანზაქციის ფარგლებში, მიიღებენ ნებართვას, შემდგომ 100% გასხვისდება მოხდეს ნექსოლ ჰოლდინგის მფლობელობაში არსებულ კომპანია ბაქსელზე, რაც კომუნიკაციების კომისიამ განუხილველად დატოვა.
კომპანიის მენეჯმენტი ამბობს, რომ კომპანიის არც ერთ მენეჯმენტს არ აქვთ ბერკეტი მესამე პირებს შორის მომხდარი ტრანზაქცია შეაბრუნონ, ამიტომ სპეცმმართვლი კომპანიაში ფაქტობრივად განუსაზღვრელი ვადით შედის.
სპეცმმართველის დანიშვნის გადაწყვეტილების გასაჩივრება კომპანიას თბილსიის საქალაქო სასამართლოში შეუძლია.
