სოფო ჭყონია "კოკა კოლა ბოთლერს ჯორჯიას" სამეთვალყურეო საბჭოს წევრი გახდა

Mercedes-Benz Fashion Week Tbilisi-ს დამფუძნებელი და ორგანიზატორი სოფო ჭყონია „კოკა კოლა ბოთლერს ჯორჯიას“ სამეთვალყურეო საბჭოს წევრი გახდა.

კომპანიის სამეთვალყურეო საბჭოში ქალიშვილის შეყვანა თემურ ჭყონიამ ფირმის ინტერესებიდან გამომდინარე მიიღო და ამ ნაბიჯით საბჭოს შემადგენლობა 4 წევრამდე გაზარდა.

სოფო ჭყონიას გარდა საბჭოში არიან გიორგი ახალაძე და შალვა გიგაია, საბჭოს თავად თემურ ჭყონია ხელმძღვანელობს, რომელიც Coca-Cola-ს მწარმოებელ კომპანიაში აქციების 87.47%-ის მფლობელია.

სოფო ჭყონია წლებია მოდის ინდუსტრიაშია. ის ქვეყნის მთავარი მოდური ღონისძიების Mercedes-Benz Fashion Week Tbilisi-ს დამფუძნებელი და ორგანიზატორია.

2019 წელს სოფო ჭყონია The Business of Fashion-ის რეიტინგში მოხვდა. #BOF500 ყოველწლიურად მოდის საერთაშორისო ინდუსტრიაში ყველაზე გავლენიან ადამიანებს ასახელებს.

ფოტო: fashionholicsonline.com