ბიზნესი
07/08/2020
"სიოს" პირბადეებით აშშ-ში, აზერბაიჯანში, ისრაელსა და უკრაინაში დაინტერესდნენ
ქართული პირბადეებით აშშ-ში, აზერბაიჯანში, ისრაელსა და უკრაინაში დაინტერესდნენ. კომპანია "სიოს" ოთხივე ქვეყანაში სატესტო ნიმუშები უკვე გაგზავნილი აქვს.
"სიოს" წარმოებული პირბადეები 100%-ით ეკომეგობრულია და ბიოდეგრადირებადი მასალისგან მზადდება. ამ დროისთვის უკვე წარმოებულია ერთ მილიონამდე ერთეული პროდუქტი, თუმცა კომპანია მზად არის მოთხოვნის არსებობის შემთხვევაში თვეში 3 მლნ ერთეული აწარმოოს.
კომპანიის საწარმო თბილისში მდებარეობს, მას ამ ეტაპზე 12 ადამიანი ჰყავს დასაქმებული. ამ დროისთვის განხორციელებული ინვესტიცია 70 000 ლარს აჭარბებს.
