"სილქნეტმა" წლის პირველი ნახევარი 40 მლნ-იანი ზარალით დაასრულა

184.9 მლნ ლარის შემოსავალი და 39.6 მლნ ლარის ზარალი - „სილქნეტმა“ 6 თვის შედეგები გაასაჯაროვა.

კომპანიას შემოსავლები უმნიშვნელოდ აქვს გაზრდილი, წლიურ ჭრილში ზრდა მხოლოდ 870 ათასი ლარია. თუმცა ზარალი მკვეთრად - 41%-ით  არის შემცირებული შარშან ამავე პეროდთან შედარებით (2019 წლის 6 თვე - 56.03 მლნ) 

შემოსავლებში მობილური გამავალი ზარიდან მიღებული შემოსავლები 49.6 მლნ იყო; ფიქსირებული ინტერნეტიდან  - 49.4 მლნ; მობილური ინტერნეტიდან - 30.68 მლნ, Pay TV -დან  -  22.3 მლნ; ურთიერთჩართვის მომსახურებიდან -  10.3 მლნ იყო, როუმინგიდან  - 1.3 მლნ, სადაც შემოსავლები განახევრებულია.

„სილქნეტის“ ანგარიშში აღნიშნულია, რომ COVID-19 -ის პანდემიისას სატელეკომუნიკაციო სექტორი ერთ-ერთ ყველაზე მდგრად სექტორად არის მიჩნეული. უფრო მეტი სახლში გატარებული დრო კი ნიშნავს  Pay TV -სა და ნაკადური გადაცემის მომსახურებებზე მოთხოვნის ზრდას.

„მიუხედავად იმისა, რომ ქცევის აღნიშნული ცვლილებების ნაწილი არის დროებითი, ხელმძღვანელობას სჯერა, რომ დაჩქარებული დიგიტალიზაციის მოდელები დარჩება და გრძელვადიან პერიოდში კომპანიას მისცემს დამატებით პოტენციალს ციფრულ მომსახურებაზე მომატებული მოხმარების და მზარდი მოთხოვნის ლევერიჯი მოახდინოს“, - ნათქვამია ანგარიშში.

ამასთან აღნიშნულია, რომ ჯგუფი აკვირდება გაზრდილ ინტერნეტ ტრაფიკს და საჭიროების შემთხვევაში შეიძლება გადაწყვიტოს აღჭურვილობის განახლება ან საერთაშორისო არხის გამტარუნარიანობის გაზრდა. თუმცა, ამ დრომდე  ჯგუფი არ მიიჩნევს საჭიროდ ფართომასშტაბიან განახლებას,