სილქნეტის მფლობელთა სტრუქტურაში ისევ ცვლილებაა

მორიგი ცვლილება „სილქნეტში“, ამჯერადაც  ბენეფიციარების ცვლილების გარეშე  - საკომუნიკაციო კომპანიის მფლობელი „სილქნეტ ჰოლდინგის“ მეწილე ისევ შეიცვალა, კომპანიის 95%-იანი წილი, რომელიც 135,28 მლნ დოლარად არის შეფასებული და პრომეთეუს ჰოლდინგს ეკუთვნოდა, მალტაში რეგისტრირებულ კომოდონ ჰოლდინგ ლიმიტედის კაპიტალში შევიდა.  

საბოლოოდ, კომუნიკაციების კომისიიდან მიღებული თანხმობით, “სილქნეტ ჰოლდინგის”  95% მფლობელი სავარაუდოდ უნდა გახდეს  „სილქ როუდ გრუპ ჰოლდინგი“, თუმცა მარეგულირებელთან შეთანხმებულ გარიგებაში წერია, რომ ბენეფიციარი მფლობელები  უცვლელად დარჩებიან.

ტრანზაქციის განხორციელებამდე და ტრანზაქციის სავარაუდო განხორციელების შემდეგ, „სილქნეტის“ საბაზრო წილი და სხვა ეკონომიკური მაჩვენებლები ასევე უცვლელი რჩება.

ამ გარიგებით „სილქნეტის“ 100%-ის მფლობელი, „სილქნეტ ჰოლდინგის“ ღირებულება მისი მფლობელების შეფასებით, 142 მლნ დოლარია.