სილქნეტის 95%-იანი წილის მფლობელი "პრომეთეუს ჰოლდინგს ლიმიტედი“ გახდა

„სილქნეტის“ მფლობელთა სტრუქტურაში ცვლილებაა.

საკომუნიკაციო კომპანიის მფლობელი „სილქნეტ ჰოლდინგის“ 95% მალტაში რეგისტრირებულ კომპანია „პრომეთეუს ჰოლდინგს ლიმიტედზე“  გაიყიდა, 5% კვლავ „რაინსტრიმ ჰოლდინგს ლიმიტედ“-ს რჩება.

გარიგების ღირებულება 135.28 მლნ დოლარია, რომელიც მყიდველმა 2021 წლის 31 დეკემბრამდე უნდა გადაუხადოს, იმ დროისათვის ეროვნული ბანკის დადგენილი კურსით.

2020 წლის I კვარტალის ბოლოს „პრომეთეუს ჰოლდინგს ლიმიტედში“  გიორგი რამიშვილი  ფლობდა 61,90%-ს,  ალექსი თოფურია - 28,58% -ს, დევიდ ფრანც ბორგერი, გერმანია - 9,52%.

რაც შეეხება წილის გამყიდველ ასევე მალტაში დაფუძნებულ „რაინსტრიმ ჰოლდინგს ლიმიტედს“, ეს კომპანია ფლობდა „სილქნეტ ჰოლდინგის“ მეშვეობით „სილქნეტს“. ბენეფიციარი მესაკუთერეების წილობრივი მფლობელობა კი ასე გამოიყურებოდა - 58.81% გიორგი რამიშვილი, 27.15% - ალექსი თოფურია, 9.04% - დევიდ ფრანც ბორგერი, 5% დავით მამულაიშვილი.