საუკეთესო შედეგები საქართველოს ფოსტისთვის - 2019 წელი კომპანიამ 3 მლნ-იანი მოგებით დაასრულა

საქართველოს ფოსტამ 2019 წელი 3 მილიონის წმინდა მოგებით დაასრულა. ეს 2013 წლიდან საუკეთესო მაჩვენებელია.

2013 წელს მოგება არ ფიქსირდებოდა, 2014 წელს 1 მილიონიანი ზარალი ჰქონდა, შემდეგ წლებში კი, მოგება ან 1 მლნ და 0 იყო.

აღსანიშნავია, რომ 2019 წელს კომპანიას 90 მლნ ლარის შემოსავალი ჰქონდა, 13%-ით ნაკლები ვიდრე 2018 წელს. ამასთან შემცირდა ხარჯებიც 104-დან 87 მილიონამდე.

მთავრობა „საქართველოს ფოსტის“ გასხვისებას გეგმავს. მოწვეული იყო საერთაშორისო აუდიტიც, რომ მოხდეს პრივატიზაციის იმდაგვარად დაგეგმვა, რომ სოციალური საკითხებიც იყოს დაცული, თუმცა კორონავირუსის პანდემიის გამო „საქართველოს ფოსტის” პრივატიზაციის საკითხი  გადაიდო.

საკითხი დღის წესრიგში ბიზნესგარემოს გაუმჯობესების შემდეგ დადგება.