სათამაშოების მწარმოებელი "კოდალა" დიდი ბრიტანეთის ბაზარზე შედის
სათამაშოების მწარმოებელი კომპანია "კოდალა" დიდი ბრიტანეთის ბაზარზე შედის. როგორც საწარმოს დამფუძნებელმა კოტე სვანაძემ „ბიზნესპარტნიორს“ განუცხადა, საწარმომ ხელშეკრულება გააფორმა ბრიტანულ-ქართულ სავაჭრო ჰაბთან და მიმდინარეობს ბაზრის კვლევა.
„ვფიქრობთ, უახლოეს პერიოდში საკმაოდ დიდი წილით შევძლებთ ბრიტანეთის ბაზარზე ჩვენი პროდუქციის შეტანას. გვყავს პარტნიორები, მაგალითად, ადგილობირივი კომპანია, რომელიც აკეთებს ჩვენს მარკეტინგულ გეგმას, თანამშრომლობს მცირე და საშუალო მეწარმეებთან, დაახლოებით 47 000 მაღაზიასთან და ვფიქრობთ, მათი დახმარებით პირდაპირ შევძლებთ გასვლას ინგლისის საცალო მოხმარების ქსელთან,“ - აცხადებს კოტე სვანაძე.
რაც შეეხება ადგილობრივ ბაზარს, პანდემიურ პერიოდში საწარმოს გარკვეული მიმართულებების შეცვლა მოუწია.
„მოგვიწია ადგილობრივი მომხმარებლის მოთხოვნებზე მორგება, პროდუქციის ნაირსახეოების შექმნა, რამაც საოპერაციო ხარჯები გაგვიზარდა და ჩვენი ყველა დანაზოგი და რესურსი მოხმარედა ამ კოვიდ პერიოდის გადატანას,“ - აღნიშნა კოტე სვანაძემ.
„კოდალა“ სოციალური საწარმოა, რომელიც ძირითადად შშმ პირებს ასაქმებს და ხის სათამაშოებს აწარმოებს.
