სამშენებლო სექტორი 2019 წელს 15%-ით გაიზარდა

2019 წელს მშენებლობის სექტორმა 15.2%-იანი ზრდა აჩვენა.

სექტორის ბრუნვამ გასულ წელს 8.26 მლრდ ლარს გადააჭარბა, 2018 წელს არსებული 7.17 მლნ-ის საპირწონედ.

აღსანიშნავია, რომ 2016 წლიდან სექტორს ზრდის ტრენდი ჰქონდა.

14.4%-იანი ზრდაა პროდუქციის გამოშვებაში, რაც 8.9 მლრდ ლარს შეადგენს. ამ ზრდის მიუხედავად შემცირებული იყო დასაქმებულთა რაოდენობა 5.7%-ით. სულ სექტორში 69 956 ადამიანი იყო დასაქმებული, რაც 2016 წლიდან ყველაზე დაბალი მაჩვენებელია.

მთლიანობაში ბიზნეს სექტორისთვის 2019 წელი წარმატებული იყო. ბრუნვის მოცულობა წლიურად 25.9%-ით გაიზარდა და 109 მლრდ ლარი შეადგინა.

ზრდის ტენდენციით ხასიათდება ბიზნეს სექტორის პროდუქციის გამოშვების მაჩვენებელიც. 2019 წელს მისი მოცულობა 47.5 მლრდ ლარით განისაზღვრა, რაც 14%-ით აღემატება გასული წლის მაჩვენებელს.