საქართველოში ყველის პირველი სკოლა მოსწავლეებს გაზახულზე მიიღებს
საქართველოში ყველის პირველი სკოლა მოსწავლეების მიღებას გაზახულზე დაიწყებს.
სივრცე კახეთის ტერიტორიაზე მოეწყობა და თეორიულ სწავლებასთან ერთად მსურველებს პრაქტიკულ უნარებსაც შეასწავლის. სკოლა ლაბორატორიული ინვენტარითაც აღიჭურვება.
სასწავლებლის შექმნის იდეა "საქართველოს ყველის მწარმოებელთა გილდიის" თავმჯდომარეს ეკუთვნის. ანა მიქაძის განმარტებით, კორონავირუსის პანდემიამ სკოლის არსებობის აუცილებლობა კიდევ ერთხელ დაადასტურა.
მისივე თქმით, პანდემიის პერიოდში მცირე მეწარმეები ყველის დაძველების ტექნოლოგიას არ ფლობდნენ, რის გამოც ერთის მხრივ დიდი ოდენობით პროდუქტი გაფუჭდა, მეორე მხრივ კი ფერმერებს წარმადობის შემცირება ან საერთოდ შეჩერება მოუწიათ.
გილდიაში ამბობენ, რომ საჭირო უნარების არსებობის შემთხვევაში ქართულ დავარგებულ ყველს მსოფლიო ბაზარზე დიდი პერსპექტივა ექნება.
