"საქართველოს უძრავი ქონება" $35 მლნ-ის ობლიგაციებს განათავსებს
„საქართველოს უძრავი ქონება“ (საინვესტიციო კომპანია საქართველოს კაპიტალის შვილობილი კომპანია) $35 მლნ-ის ობლიგაციების განთავსებაზე აცხადებს (ნომინალი - $1 000 ). ეს ჯგუფის უკვე მე-7 განთავსებაა (2014 წლიდან). 7 ოქტომბერს დაგეგმილი განთავსებით, წინა ემისია დაიფარება, რომლის განაკვეთი 7.5% იყო.
ფულის გლობალური გაძვირების გათვალისწინებით, განაკვეთის დიაპაზონი გაზრდილია და ფასიანი ქაღალდების შემოსავლიანობა 7.5-8.5%-ის ფარგლებში მოიაზრება. ზუსტი განაკვეთი მოთხოვნის შესაბამისად დადგინდება.
„საქართველოს უძრავი ქონება“ საცხოვრებელ უძრავ ქონებას (m2) და სასტუმრო ბიზნესს (Amber ჯგუფი) აერთიანებს. "ემბერ ჯგუფი" ამ დროისთვის ფუნქციონირებად 3 სასტუმროს ფლობს - გუდაურსა (გუდაური ლოჯი) და 2 სასტუმროს თბილისში (Ramada by Wyndham Tbilisi და Ramada Encore, რომელიც დროებით დახურულია.
კომპანიას რამდენიმე მშენებარე პროექტის აქვს კახეთში, სვანეთში, სამეგრელოსა და ქუთაისში.
კომპანია ჩართულია „კაპიტალის ბაზრის მხარდაჭერის პროგრამაში“. EBRD-ის დაფინანსებული პროექტის II ეტაპი დასრულდა. კაპიტალის ბაზრის წახალისების მექანიზმით სარგებლობა, რაც 100 000-200 000 -მდე საგრანტო დაფინანსებას გულისხმობს, 21 კომპანიას სურს, მათ შორის გამარჯვებულებმა შედეგები უკვე იციან და მოგვიანებით გასაჯაროვდება.
21 კომპანიას შორის არის „საქართველოს უძრავი ქონებაც“.
