ბიზნესი
13/04/2021
"საქართველოს რკინიგზამ“ მოდერნიზაციაზე 2020 წელს ₾21 მლნ-ის ინვესტიცია განახორციელა
„საქართველოს რკინიგზის“ მოდერნიზაციაზე 2020 წელს 21 მლნ ლარის ინვესტიცია განხორციელდა.
„საქართველოს რკინიგზის“ მმართველობითი ანგარიშის მიხედვით, 2020 წლის ბოლოს სარკინიგზო მაგისტრალის მოდერნიზაციის სამუშაოების 93% უკვე შესრულებულია, თუმცა პროექტის სრულად დასრულების თარიღმა 2022 წლისთვის გადაინაცვლა.
მოდერნიზაციის პროექტის ბიუჯეტი 248 მლნ შვეიცარიული ფრანკია. 2020 წლის ზაფხულში კომპანიამ „ბიზნესპარტნიორს“ აცნობა, რომ შეძლეს 12 მლნ შვეიცარიული ფრანკის დაზოგვა. პროექტი სრულად საქართველოს რკინიგზის მიერ ფინანსდება.
ამ პროექტმა სარკინიგზო გადაზიდვები უნდა გაამარტივოს და გამტარუნარიანობა 25 მლნ ტონიდან 48 მლნ ტონამდე (მომავალში 100 მლნ ტონამდე გაფართოების შესაძლებლობით) უნდა გაზარდოს.
