საავიაციო ბაზარი ზარალს ითვლის
საავიაციო ბაზარი ზარალს ითვლის. საქართველოს აეროპორტებში მგზავრთნაკადი თითქმის 80%-ითაა შემცირებული.
2020 წლის იანვარ-აგვისტოში ქვეყნის აეროპორტები 750 000-მდე მგზავრს მოემსახურნენ, 2019 წლის ანალოგიურ პერიოდში კი ეს მაჩვენებელი 3,6 მლნ-ს აჭარბებდა. პანდემიის გამო დაწესებული შეზღუდვების შედეგად, 2020 წლის იანვარ-აგვისტოში თბილისის საერთაშორისო აეროპორტმა 514 814 მგზავრი მიიღო, მგზავრთნაკადის კლებამ გასული წლის ანალოგიურ პერიოდთან შედარებით 80% შეადგინა.
მგზავრები 88%-ით შეუმცირდა ბათუმის, 66%-ით ქუთაისის აეროპორტს.
მთავრობამ რეგულარულ რეისებზე შეზღუდვები 2020 წლის 21 მარტიდან აამოქმედა. თვეების განმავლობაში აეროპორტები მხოლოდ სპეცრეისებს იღებდნენ. ბოლო მონაცემებით, საქართველოს ცა საერთაშორისო რეგულარული ფრენებისთვის 1-ელ ნოემბრამდე იქნება დახურული.
