რკინიგზას ტვირთბრუნვა გაეზარდა

საქართველოს რკინიგზას ტვირთბრუნვა გაეზარდა.

5 თვის მონაცემებით, რკინიგზით 4.576 მლნ ტონა ტვირთი გადაიზიდა. თუ შევადარებთ გასული წლის ამავე პერიოდის მაჩვენებელს, ზრდა 8.4%-ია, ანუ 355 ათასი ტონაა.

ადგილობრივ და საექსპორტი ტვირთებში კლებაა, 5 თვის განმავლობაში ადგილობრივი  587 837 ტონა იყო გადაზიდული, საექსპორტო - 484 929 ტონა, თუმცა გაზრდილია ტრანზიტული ტვირთები, რამაც 2.492 მლნ ტონას გადააჭარბა.

ტრანზიტულ ტვირთებში ხუთივე თვეში პოზიტიური დინამიკაა.

ძირითადი ტვირთები:

ნავთობი/ ნავთობპროდუქტები - 1.220 მლნ ტონა (- 2%)

მარცვლეული - 121.5 ათასი ტონა (-22.4%)

შაქარი - 61.2 ათასი ტონა (-52.2%)

რკინა/ მანგანუმი - 214.48 ათასი  ტონა  (+88.4%)

ფერადი ლითონები -  268.62 ათასი ტონა  (+ 6.5%)

სასუქები - 534.64 ათასი  ტონა (+62.7%)