რესტორნებს სესხის სუბსიდირებისთვის განაცხადების წარდგენის ვადა დღეს ეწურება
სარესტორნო ბიზნესისთვის დაწესებული სესხის სუბსიდირების პროგრამის პირობებს საშუალოდ 1500-მდე კომპანია აკმაყოფილებს. რესტორატორთა ასოციაციის ინფორმაციით, მათი ჯამური სასეხო პორტფელი დაახლოებით 400 მლნ ლარს აჭარბებს.
გაერთიანების ინფორმაციით, განაცხადები შესაბამის სტრუქტურებს 700-ზე მეტმა კომპანიამ უკვე გაუგზავნა. სისტემაში ჩასართავად განაცხადების წარდგენის ვადა დღეს იწურება.
თანადაფინანსების მექანიზმი მომდევნო 6 თვის მანძილზე სარესტორნო ინდუსტრიისთვის სესხის პროცენტის სუბსიდირებას გულისხმობს.ეროვნულ ვალუტაში გაცემული სესხის შემთხვევაში, თანადაფინანსება არაუმეტეს 80%, უცხოურ ვალუტაში გაცემული სესხის შემთხევაში კი არაუმეტეს 70% იქნება.
შეგახსენებთ,სარესტორნო ბიზნესისთვის პროცენტის სესხის სუბსიდირებაზე სახელმწიფოს გათვლებით 30 მილიონი ლარი დაიხარჯება.
