ბიზნესი
24/02/2021
რესტორნების შიდა სივრცეები ფუნქციონირებას განაახლებენ - ბათუმში 1 მარტიდან, სხვა ქალაქებში 8 მარტიდან
პრემიერ-მინისტრის ირაკლი ღარიბაშვილის განცხადებით, რესტორნების შიდა სივრცეები ფუნქციონირებას 1 მარტიდან ბათუმში განაახლებენ, დანარჩენ საქართველოში 8 მარტიდან.
მისი თქმით, რესტორნები მომხმარებლებს შაბათ-კვირას არ მიიღებენ.
„რესტორნებს შიდა სივრცეებში მოუწევთ დადგენილი რეკომენდაციების დაცვა, რაც შესაბამისი უწყებების მხრიდან იქნება გაკონტროლებული“,- აღნიშნა ირაკლი ღარიბაშვილმა.
შეგახსენებთ, რომ საკოორდინაციო საბჭოს მიღებული გადაწყვეტილებით, ხვალიდან რეგულაციების ნაწილი მსუბუქდება. ძალაში რჩება კომენდანტის საათი. სპორტდარბაზები 15 მარტიდან გაიხსნება, ასევე ხვალიდან შეძლებენ ზამთრის კურორტები სტუმრების მიღებას, თუმცა დახრურული იქნება 8 მარტამდე საბაგიროები.
